دلوعة الكويت
10-20-2004, 05:37 PM
شباب و بنات .. مبارك عليكم الشهر ..
ترى رمضان مو بس تسكيرة حلج من الفير لما المغرب ! الصيام سَنَع اخلاق و احساس داخلي و قناعه انه هذا شهر مقدس عندنا .. السنه كلها عبادة و صلاة ، لكن هالشهر له خصوصية اكثر يا جماعه الخير
صايمه و تلبس مرصص بحيث تقدر تعرف تفاصيل جسمها و مقاساتها كلها !؟! اكو متحجبات تنانيرهم ألعن من جينزات السفور
2- صايمه و تارسه الويه مكياج و الحمره جنها كجب و الكحل لما الاذون و لابستلي عدسات و حاطه مسكره شدو ؟ أظنتي يسمونه تبرّج صح ؟
3- صايم و تتمقل بالمشهدين اللي قلنا عنهم قبل شوي ؟ لا تقول اهمه السبب .. اهمه عليهم اثم الفصاعه و انت عليك اثم الخز و انك ما غضيت بصرك
4- صايم و ترقم و تقز على البحر ؟ و لاحق بنات بالحب جنك قاعد تتمشى ! تقص على الناس اوكي .. و على الله شتسوي ؟
5- صايم و تاخذ معاش بدون دوام ؟ لا اجازه ولا استئذان .. شكو مو حاضر ؟ معنه الدوام خفيف و اقصر برمضان
6- صايمه و تحشّين بهذي و هذيج ؟ ترى الغيبه حرام .. و القرآن شبه اللي تغتاب باللي تاكل لحم انسان ميت !و الله ما يطق بعصى ، تحشين هني يحشون فيج هناك
7- صايمة و تتعمدين تتمخطرين على الممشى العصاري و انتي لابسه بنطلونات تدرين انها تشكل جسمج و بديات مطلعه شحومج ؟
8- صايم و قاعد يم الممشى و ما عندك شغله الا انه تشوف الرايحه و الراده على الخط و مسويلهم زووووم مو طبيعي ؟ يا اخي اقرالك صفحه من القرآن او كلش كلش نام
9- صايم و تسهر بشيشه ؟ صج انك حزتها فاطر .. بس بنفس الوقت اكو ناس بمسيد يصلون جيام و اكو ناس زايرين اهلهم من باب صلة الرحم و اكو ناس ببيوتهم مجابلين التلفزيون .. اهو أهوَن بوايد من المعسل و القدو صح ؟
10- صايم و تبلش فطورك على زقاره ؟ الرسول صلى الله عليه و سلم قال تمره و ماي و اكو ناس تفطر على لبن و الناس العاده تدعي اول ما تفطر و تردد ورى الاذان .. زقاره يا الظالم ! لي هالدرجه سحيك
11- صايمه و نفسج خايسه على امج و خواتج و خدامتكم ؟ شنو متنسيه ولا يايتج الحاله ؟ .. اذا يوعانه او عطشانه قفلي على روحج الدار و جابلي المنظره لما يأذن المغرب
12- صايمه و رفيجتج يمج تتعلج بالسياره ؟ لا حيى و لا مستحى .. اذا انتي عادي عندج ترى الناس لهم احترام ..
13- صايم و داش الدوام و ريحه البخور واصله لي الخفجي ؟ تبخير الهدوم بروحها جايز بس ترى استنشاق البخور و التبخر و انت لابسهم حرام لانه يدش الرئة .. ماني مفتي بس هذا راي السنه و الشيعه مانقول تعال و ريحتك فايحه و خايسه ! بس تعطر او حط دهن عود مثلا
14- صايم و كله ماد بوزك جنك بعزى ؟! ابتسم يا اخي لانك مسوي شي زين و قاعد ينكتبلك اجر .. عاد لا تشق الحلج و الكشره شقاقيه .. بس خلك فرايحي و نفسيتك عاليه و اترك عنك التقلدم .. و سلملي على البوز
16- صيّام و نطرش ايميلات وصخه ؟ قلة أدب .. بوقت ثاني بالطقاق ..مهي حاله ترى ! يه
17- صايم و معلي على الأغاني بالشارع ؟ يبه اسمع اذا تبي .. خلها تالي مو الوقت اللي الواحد ينفذ فيه أمر الله .. و بعدين لا تسمع الناس غصب .. اسمع بروحك .. و على شينه قوات عينه تلقى الذوق مثل ويهه شغل برتقاله
ترى رمضان مو بس تسكيرة حلج من الفير لما المغرب ! الصيام سَنَع اخلاق و احساس داخلي و قناعه انه هذا شهر مقدس عندنا .. السنه كلها عبادة و صلاة ، لكن هالشهر له خصوصية اكثر يا جماعه الخير
صايمه و تلبس مرصص بحيث تقدر تعرف تفاصيل جسمها و مقاساتها كلها !؟! اكو متحجبات تنانيرهم ألعن من جينزات السفور
2- صايمه و تارسه الويه مكياج و الحمره جنها كجب و الكحل لما الاذون و لابستلي عدسات و حاطه مسكره شدو ؟ أظنتي يسمونه تبرّج صح ؟
3- صايم و تتمقل بالمشهدين اللي قلنا عنهم قبل شوي ؟ لا تقول اهمه السبب .. اهمه عليهم اثم الفصاعه و انت عليك اثم الخز و انك ما غضيت بصرك
4- صايم و ترقم و تقز على البحر ؟ و لاحق بنات بالحب جنك قاعد تتمشى ! تقص على الناس اوكي .. و على الله شتسوي ؟
5- صايم و تاخذ معاش بدون دوام ؟ لا اجازه ولا استئذان .. شكو مو حاضر ؟ معنه الدوام خفيف و اقصر برمضان
6- صايمه و تحشّين بهذي و هذيج ؟ ترى الغيبه حرام .. و القرآن شبه اللي تغتاب باللي تاكل لحم انسان ميت !و الله ما يطق بعصى ، تحشين هني يحشون فيج هناك
7- صايمة و تتعمدين تتمخطرين على الممشى العصاري و انتي لابسه بنطلونات تدرين انها تشكل جسمج و بديات مطلعه شحومج ؟
8- صايم و قاعد يم الممشى و ما عندك شغله الا انه تشوف الرايحه و الراده على الخط و مسويلهم زووووم مو طبيعي ؟ يا اخي اقرالك صفحه من القرآن او كلش كلش نام
9- صايم و تسهر بشيشه ؟ صج انك حزتها فاطر .. بس بنفس الوقت اكو ناس بمسيد يصلون جيام و اكو ناس زايرين اهلهم من باب صلة الرحم و اكو ناس ببيوتهم مجابلين التلفزيون .. اهو أهوَن بوايد من المعسل و القدو صح ؟
10- صايم و تبلش فطورك على زقاره ؟ الرسول صلى الله عليه و سلم قال تمره و ماي و اكو ناس تفطر على لبن و الناس العاده تدعي اول ما تفطر و تردد ورى الاذان .. زقاره يا الظالم ! لي هالدرجه سحيك
11- صايمه و نفسج خايسه على امج و خواتج و خدامتكم ؟ شنو متنسيه ولا يايتج الحاله ؟ .. اذا يوعانه او عطشانه قفلي على روحج الدار و جابلي المنظره لما يأذن المغرب
12- صايمه و رفيجتج يمج تتعلج بالسياره ؟ لا حيى و لا مستحى .. اذا انتي عادي عندج ترى الناس لهم احترام ..
13- صايم و داش الدوام و ريحه البخور واصله لي الخفجي ؟ تبخير الهدوم بروحها جايز بس ترى استنشاق البخور و التبخر و انت لابسهم حرام لانه يدش الرئة .. ماني مفتي بس هذا راي السنه و الشيعه مانقول تعال و ريحتك فايحه و خايسه ! بس تعطر او حط دهن عود مثلا
14- صايم و كله ماد بوزك جنك بعزى ؟! ابتسم يا اخي لانك مسوي شي زين و قاعد ينكتبلك اجر .. عاد لا تشق الحلج و الكشره شقاقيه .. بس خلك فرايحي و نفسيتك عاليه و اترك عنك التقلدم .. و سلملي على البوز
16- صيّام و نطرش ايميلات وصخه ؟ قلة أدب .. بوقت ثاني بالطقاق ..مهي حاله ترى ! يه
17- صايم و معلي على الأغاني بالشارع ؟ يبه اسمع اذا تبي .. خلها تالي مو الوقت اللي الواحد ينفذ فيه أمر الله .. و بعدين لا تسمع الناس غصب .. اسمع بروحك .. و على شينه قوات عينه تلقى الذوق مثل ويهه شغل برتقاله